ទីជនបទនៃស្រុកកំពង់ត្រាច មានផ្លូវបេតុងស្ទើរគ្រប់មូលដ្ឋាន

ថ្ងៃព្រហស្បតិ៍ ទី២១ ខែកក្កដា ឆ្នាំ២០២២ លោក អូន ខន អភិបាល នៃគណៈអភិបាលស្រុក បានដឹកនាំគណៈកម្មការលទ្ធកម្មស្រុក និងអាជ្ញាធរមូលដ្ឋាន​ អញ្ជើញចុះពិនិត្យវាយ​តម្លៃគម្រោងសាងសង់បេតុងអាមេ១ខ្សែ ប្រវែង៦៩០ម៉ែត្រ ទទឹង៤,៥ម៉ែត្រ ស្ថិតក្នុងភូមិកោះខ្លូត ឃុំកំពង់ត្រាចខាងកើត ស្រុកកំពង់ត្រាច ខេត្តកំពត ដែលស្ថាបនាបានប្រមាណ៩០%។​

គម្រោងសាងសង់ផ្លូវបេតុង១ខ្សែនេះ ដើម្បីឆ្លើយតបទៅនឹង តម្រូវការ និងសំណូមពរ​របស់បងប្អូន​ប្រជាពលរដ្ឋស្នើក្នុងអង្គវេទិការាជរដ្ឋាភិបាលចុះមូលដ្ឋានកន្លងមក។​

ផ្លូវខាងលើនេះមានសារៈសំខាន់ជាចាំបាច់ សម្រាប់សម្រួលដល់ការធ្វើដំណើឆ្លងកាត់ ដឹកជញ្ជូនកសិផលលក់ដោះដូរនៅទីផ្សារ ដែលនាំឲ្យជីវភាពប្រជាពលរដ្ឋកាន់តែប្រសើឡើង។